108. DÍA DAS LETRAS GALEGAS (Maio 2014)

Hoxe, 17 de maio de 2014 celébrase o DÍA DAS LETRAS GALEGAS, adicado ao poeta XOSÉ MARÍA DÍAZ CASTRO.

Na escola, durante a pasada semana, os alumnos traballaron en distintas actividades baseadas no poema PENÉLOPE escrito por este autor. 

Estas publicaranse con detalle no blog de Dinamización Lingüística que pronto poderedes consultar.

Mentres tanto deixámosvos dito poema, e algunha foto das actividades programadas:

 PENÉLOPE

Un paso adiante i outro atrás, Galiza,

i a tea dos teus sonos non se move.

A espranza nos teus ollos se esperguiza.

Aran os bois e chove.

Un bruar de navíos moi lonxanos

che estrolla o son mól coma unha uva.

Pro tí envólveste en sabas de mil anos,

i en sonos volves a escoitar a chuva.

Traguerán os camiños algún día

a xente que levaron. Deus é o mesmo.

Suco vai, suco vén, Xesús María!,

e toda a cousa ha de pagar seu desmo.

Desorballando os prados coma sono,

o tempo vai de Parga a Pastoriza.

Vaise enterrando, suco a suco, o Outono.

Un paso adiante i outro atrás, Galiza.

Xosé Mª Díaz Castro

Alumnos de 4º de Primaria recitando

Alumnos de 4º de Primaria recitando os seus poemas

Alumnos de 1º ESO cantando o poema PENÉLOPE